Шуурхай удирдлагын алба

Шуурхай удирдлагын алба

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.06.20/

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.06.20/

Улсын хэмжээнд: Сэрэмжлүүлэг мэдээлэл: Зургадугаар сарын 20-ноос 21-нд төв болон зүүн аймгуудын ихэнх нутгаар, 22-нд нутгийн зүүн хагаст, 23-нд зүүн аймгуудын нутгаар бороо орно. Дуу цахилгаантай, салхи борооны өмнө түр зуур секундэд 16-18 метр хүрч ширүүснэ. Иргэд, аж ахуйн нэгж, байгууллагууд үерийн аюулаас урьдчилан сэргийлэхийг Онцгой байдлын ерөнхий газраас анхааруулж байна. Эх сурвалж: ОБЕГ ХӨ-ний тандалтын мэдээлэл: 2017 оны 6 дугаар сарын 19-ны байдлаар нийт 69 өвчтөн хандсанаас өмнөх оны мөн үетэй (n=103) харьцуулахад 1.5 дахин буурсан байна. Нийт 361 өвчтөн хэвтэн эмчлүүлж байгаагаас халдварт 187, сүрьеэгийн тасагт 174 өвчтөн байна.  Онош батлагдсан тохиолдлуудын 50%(n=17) ,   улаан эсэргэнэ, улаанууд, халдварт эритем, ёлом байсан бол, 38.2%(n=13) гэдэсний халдвар, 11.8%(n=4) бусад халдвар байна. Эх сурвалж: ХӨСҮТ Зоонозын халдварын хүний өвчлөлийн мэдээлэл: 2017 оны 06 дугаар сарын 20-ны өдрийн байдлаар буюу тархвар судлалын тандалтын 25 долоо хоногт хачгаар дамжих халдварт өвчний нийт 1015 тохиолдол бүртгэгдсэн байна. Энэ нь өмнөх оны мөн үе (508)-ээс 2 дахин өндөр үзүүлэлттэй бүртгэгдсэн байна. Тандалтын 25-р долоо хоногт сэжигтэй тохиолдол 8 бүртгэгдсэн байна. Эх сурвалж: ЗӨСҮТ  Архины хордлого: 6 дүгээр сарын 13-нээс 20-ны хооронд Нийслэлийн эмнэлгүүдэд 423 хүн архины хордлогын улмаас хандсанаас 21 (4.9 хувь) нь хэвтэн эмчлэгдсэн байна. Эх сурвалж: НЭМГ Дэлхий дахинд Өндөр хоруу чанартай шувууны томуугийн А(H5N8) вируст халдварын шувууны өвчлөл: Бельгийн Вант Улс 2017 оны 06 дугаар сарын 16-нд Бельги улсын Ваардаммэ, Баруун Влаадерен бүс нутагт шувууны томуугийн А(H5N8) вируст халдварын дэгдэлт гарч  3547 шувууг устгасан байна.  Өвчлөл гарсан бүс нутагт тандалт хийх, халдваргүйтгэлийн арга хэмжээ авах, эрсдэлийн үеийн харилцаа холбоог эрчимжүүлэн ажиллаж байна. Эх сурвалж: http://www.oie.int

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.06.19/

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.06.19/

Улсын хэмжээнд: Боом өвчний сэжигтэй тохиолдлын шинэчлэгдсэн мэдээ: Дархан минж компанид ажилладаг, 49 настай, эмэгтэйгээс цуглуулсан сорьцод хийсэн нян судлал, молекул биологийн шинжилгээгээр боомын үүсгэгч болон өвөрмөц ДНХ илрээгүй, онош үгүйсгэгдсэн байна. Эх сурвалж: ЗӨСҮТ ХӨ-ний тандалтын мэдээ: 2017 оны 6-р сарын 18-ны байдлаар нийт 97 өвчтөн хандсан нь өмнөх оны мөн үеэс (n=84) 1.2 дахин бага байна. Нийт хандсан тохиолдлуудын 61.9% (n=52) онош батлагдсанаас 26.9% (n=14) эмнэлэгт хэвтсэн, 73.1% (n=38) гэрээр зөвлөгөө авч, өрхийн эмчийн хяналтад орсон байна. Нийт 358 өвчтөн хэвтэн эмчлүүлж байгаагаас халдварт 201, сүрьеэгийн тасагт 157 өвчтөн байна. Эх сурвалж: ХӨСҮТ НЯТТ-ын мэдээ: Өнгөрсөн 7 хоногт НЯТТ-д 17873 удаагийн холболт хийгдсэнээс 4760 удаагийн дуудлагад үйлчилсэн байна. Үүнээс 4363 нь насанд хүрэгчдийн, 345 нь төрөхийн, 395 нь амьсгалын замын халдварын, 878 нь осол, гэмтлийн, 35 нь нас баралтын шалтгаант дуудлага байна. Яаралтай дуудлагын шалтгааны бүтцэд өөрчлөлт ороогүй байна. Эх сурвалж: НЯТТ Дэлхий дахинд: Хүний Коронавирүст халдвар: Саудын Араб улсад хүний Коронавирүст халдварын 14 лабораториор батлагдсан тохиолдлыг мэдээлсэн байна. 3 кластерт 13 шинэ тохиолдол мэдээлэгдсэн байна. Эхний кластер бүлгээс 3 эрүүл мэндийн ажилтан, 6 өвчтөн өвчилсөн, 3 дахь багц тохиолдлоос 4 эрүүл мэндийн ажилтан өвчилжээ. Эх сурвалж: ДЭМБ

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.06.16/

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.06.16/

Улсын хэмжээнд: Хүний боом өвчний сэжигтэй тохиолдол: Булган аймгийн Могод сумын харьяат 60 настай эрэгтэйгээс цуглуулсан сорьцод боомын үүсгэгч илрээгүй, онош үгүйсгэгдсэн байна. 49 настай, эмэгтэй, Дарханминж компанид ажилладаг. Тархвар судлалын холбогдол байхгүй, баруун гарын тохойн хэсэгт улайж, цэврүүтсэн шархтай. Лабораторийн шинжилгээнд сорьц авч шинжилж байна. Эх сурвалж: ЗӨСҮТ ХӨ-ний тандалтын мэдээлэл: 23 дугаар 7 хоногт мэдээлэгдсэн хамшинжийн дотор цочмог халууралт, тууралтат өвчний хам шинж дийлэнх хувийг эзэлж, өнгөрсөн 7 хоногийн үзүүлэлтээс өссөн дүнтэй байна. Цочмог цусархаг суулгалтын хам шинж нэмэгдсэн үзүүлэлттэй байна. Өнгөрсөн 7 хоногт улаанбурхан өвчний сэжигтэй 1 хүн бүртгэгдэж, лабораториор батлагдсан тохиолдол мэдээлэгдээгүй байна.  Эх сурвалж: ХӨСҮТ Осол, гэмтлийн мэдээлэл: Өнгөрсөн 7 хоногийн байдлаар 1734 хүн хандсанаас 64 хувийг эрэгтэйчүүд эзэлж, 163 хэвтэн эмчлэгдсэн байна. Шалтгааны хувьд уналт, зам тээврийн осол, хүчирхийлэл зонхилж байна.

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.06.15/

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.06.15/

Улсын хэмжээнд: Боомын хүний өвчлөлийн сэжигтэй тохиолдол: Булган аймгийн Могод сумын харьяат 60 настай эрэгтэй, 2017.06.05-ны өдөр өвчин эхэлсэн өгүүлэмжтэй. Зүүн хөлийн шилбээр тойрсон тууралт гарсан, цэврүүтсэн, харласан шинж тэмдэг илэрсэн. Мал амьтан, хүний боомын өвчлөл бүртгэгдэж байгаагүй голомтгүй нутагт амьдардаг. Өгүүлэмжээр тархвар судлалын холбогдол тодорхойлогдоогүй байна. 2017.06.07-ны өдөр ХӨСҮТ-д хэвтсэн. Нян харах шинжилгээгээр боомын савханцар илрээгүй. Нян судлал, молекул биологийн шинжилгээ хийгдэж байна. Эх сурвалж: ЗӨСҮТ Зам тээврийн осол: Өргөн сумын 1 дүгээр багийн нутаг төмөр замын “Түшлэг” зөрлөг гэдэг газар Сайншандаас Замын-үүд явах босоо тэнхлэгийн замд гарсан зам тээврийн ослоор гэмтсэн 2 хүүхдийг тус аймийн Нэгдсэн эмнэлгийн эрчимт эмчилгээний тасагт хэвтүүлэн эмчилж байна. Хүүхдүүдийн биеийн байдал тогтворжиж, амин үзүүлэлтүүд хэвийн байдалтай байна. Эх сурвалж: Дорноговь НЭ Халдварт өвчний тандалтын мэдээлэл: 2017 оны 6-р сарын 14-ий байдлаар нийт 89 өвчтөн хандсан нь өмнөх оны мөн үеэс (n=110) 1.2 дахин бага байна. Нийт хандсан тохиолдлын 65.2% (n=58) нь онош батлагдсанаас 37.9% (n=22)  эмнэлэгт хэвтсэн, 62.1 % (n=36) нь гэрээр зөвлөгөө авч, өрхийн эмчийн хяналтад орсон байна. Онош батлагдсан тохиолдлын 63.8% (n=37) нь амьсгалын замын халдвар, 29.3% (n=17) нь гэдэсний халдварын, 6.9% (n=5) нь бусад халдвар байв.      Эх сурвалж: ХӨСҮТ Эхийн эндэгдлийн тохиолдол: Нийслэлийн Амгалан амаржих газраас мэдээлсэн. 20 настай, жирэмсний 37 долоо хоногтой, 2017.06.14-ний өдрийн 11:05 цагт нас барсан. Төгсгөлийн онош: Шалтгаан тодорхойгүй хемоторакс (J94.2), цус алдалтын шок, хүнд хэлбэр, амьсгал зүрхний хурц дутагдал. Хугацаандаа эмгэг төрөлт, гүйцэт нярай, төрөх хүчний сулралтын шалтгаант окситоциноор эрчимжүүлсэн төрөлт. Тодруулга авахад эхэд гэмтэл авсан гэх өгүүлэмж байхгүй, эхийн биед ил үзэгдэх гэмтлийн няцралт хөхрөлт байхгүй, Нярай нь тус амаржих газрын нярайн тасагт байна Эх сурвалж: ЭХЭМҮТ, ТСА

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.06.14/

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.06.14/

Улсын хэмжээнд: Зам, тээврийн осол: Дорноговь аймийн Өргөн сумын 1 дүгээр багийн нутаг төмөр замын “Түшлэг” зөрлөг гэдэг газар Сайншандаас Замын-үүд явах босоо тэнхлэгийн замд суудлын автомашин, ачааны автомашинтай мөргөлдсөний улмаас 4 хүн нас барж, 2 хүн хүнд гэмтэлтэй эрүүл мэндийн байгууллагад хүргэгдсэн байна. Эх сурвалж: ОБЕГ Халдварт өвчний тандалтын мэдээлэл: 2017 оны 6-р сарын 13-ны байдлаар нийт 61 өвчтөн хандсан нь өмнөх оны мөн үеээс (n=97) 1.6 дахин бага байна. Нийт хандсан тохиолдлуудын 62.3% (n=38) онош батлагдсанаас 23.7% (n=9) эмнэлэгт хэвтсэн, 76.3% (n=29) гэрээр зөвлөгөө авч, өрхийн эмчийн хяналтад орсон байна. -Онош батлагдсан тохиолдлуудын 52.6%  (n=20) амьсгалын замын халдвар, 42.1% (n=16) гэдэсний халдвар, 5.3% (n=2) бусад халдвар байна.                  Эх сурвалж: ХӨСҮТ Ой хээрийн түймрийн талаарх мэдээлэл: 2017 он гарсаар улсын хэмжээнд ой, хээрийн түймэр Нийслэл хот орчимд 16, 11 аймгийн 52 суманд 80 удаа, нийт 96 удаа гарсан байна. Одоо Сэлэнгэ аймгийн Ерөө, Хэнтий аймгийн Өмнөдэлгэр,   Төв аймгийн Эрдэнэ,  Мөнгөнморьт, Булган аймгийн Тэшиг сумын нутагт ой хээрийн түймэртэй байна. Эх сурвалж: ОБЕГ

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.06.13/

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.06.13/

Улсын хэмжээнд: Архины хордлого: Өнгөрсөн 7 хоногт нийслэлийн хэмжээнд 380 хүн архины хордлогын улмаас хандсанаас 24 (2.3%) нь хэвтэн эмчлэгдсэн байна.  Энэ үзүүлэлт нь өнгөрсөн 7 хоног болон сүүлийн 2 жилийн дундаж үзүүлэлттэй ижил түвшинд байна. Эх сурвалж:НЭМГ Ундны уснаас E.Coli  илэрсэн тухай үйл явдлын мэдээлэл: 2017 оны 3-р сард Хөвсгөл аймгийн МХГ-аас Хатгал сумын хүн амын ундны усны дээжийг шинжлэхэд E.coli нян илэрсэн. Мэргэжлийн хяналтын газраас тавьсан шаардлагын дагуу ундны ус авдаг газруудыг хамгаалалтад авсан байна. Хүн амын дунд гэдэсний халдварт өвчний өвчлөл гараагүй байна. Гэдэсний халдварт өвчнөөс сэргийлэх мэдээлэл сурталчилгааг эрчимжүүлж,  давтан шинжилгээ хийх гэж байна. Эх сурвалж:ХӨСҮТ ХӨ-ний тандалтын мэдээлэл: 2017 оны 6-р сарын 12-ны байдлаар нийт 95 өвчтөн хандсан нь өмнөх оны мөн үеээс (n=124) 1.3 дахин бага байна. Нийт хандсан тохиолдлуудын 63.2% (n=60) онош батлагдсанаас 33.3% (n=20) эмнэлэгт хэвтсэн, 66.7% (n=40) гэрээр зөвлөгөө авч, өрхийн эмчийн хяналтад орсон байна. Эх сурвалж:ХӨСҮТ Дэлхий дахинд Хүний Коронавирүст халдвар: 6 дугаар сарын 1-10-нд Саудын Араб улсаас хүний Коронавирүст халдварын 35 лабораториор батлагдсан тохиолдол, 3 нас баралтыг мэдээлсэн байна. 35 тохиолдлоос 32 нь дээрх хугацаанд мэдээлэгдэж, 3 багц тохиолдол мэдээлэгджээ. Тус улсын ЭМЯ-аас өвчтний хавьтлуудыг идэвхтэй тандах, 14 хоногийн хугацаанд эрүүл мэндийг хянах, тандалтыг эрчимжүүлэх зэрэг арга хэмжээг эрчимжүүлэн ажиллаж байна.

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.06.09/

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.06.09/

Улсын хэмжээнд: Хачигт энцефалит өвчний эрсдэлийн үнэлгээний дүн: - Хачигт энцефалит өвчнөөр 25 хүн лабораторийн шинжилгээгээр батлагдсанаас 5 хүн нас барсан байна. - Нас баралтын тохиолдол эрс нэмэгдсэнтэй холбоотой эрсдэлийн түргэвчилсэн үнэлгээ хийхэд “Дунд” зэргийн эрсдэлтэй гэж дүгнэсэн байна. Өвчтнүүд 2.5 хоногийн дараа эмнэлэгт хандаж, вирүсийн эсрэг болон ийлдэс эмчилгээнд хамрагдсан хэдий ч нас барсан байна. - Булган аймгийн Бугат сумын нутгаас илрүүлсэн үүсгэгч нь “Алс Дорнодын” хэвшинжийн үүсгэгч бөгөөд хүндрэл өгдөг, нас баралт өндөртэй өвчлөл үүсгэдэг үүсгэгч юм. Эх сурвалж: ЗӨСҮТ

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.06.08/

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.06.08/

Улсын хэмжээнд: Газар хөдлөлт: Дорноговь аймгийн Өргөн сумын төвөөс баруун урд зүгт 16 км-т 2017 оны 06 дугаар сарын 07-ны өдрийн 13:49 цагт 3.7 магнитудын хүчтэй газар хөдлөлт болсон байна. Нутгийн иргэдэд чичирхийлэл мэдрэгдээгүй байна. Эх сурвалж: ОБЕГ

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.06.07/

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.06.07/

Улсын хэмжээнд: Цочмог вирүст хепатитийн халдварын мэдээлэл: - Улсын хэмжээнд 2017 оны эхний 4 сарын байдлаар цочмогвирүст хепатитийн 169тохиолдол бүртгэгдэж, 10000 хүнамд 0.6 байгаа нь өнгөрсөн оны мөн үеэс 27 тохиолдлоор буурчээ. - А вирүст хепатит 18,3%, В вирүст хепатит 53,3%, С вирүст хепатит 13,6%, бусад хепатит 14,8%-ийг тус тус эзэлж байна. - Насны хувьд 20-49 насныхан дийлэнх хувийг эзэлж байна. - Хепатитийн В вирүсийн халдвараар өвчлөгсөдийн тархвар судлалын холбогдлыг судлахад шүд, амны хөндийн эмчилгээ хийлгэсэн 5 /13,9 %/,мэс засал хийлгэсэн 4/11,1%/, эмнэлэгт хэвтэж эм тариа хийлгэсэн 2/5,6% /, өвчтэй хүнтэй хамт байсан 2 /5,6%/,гэмтэл авч, оёдол тавиулсан, шинжилгээ өгсөн, үр хөндүүлсэн, чих цоолуулсан тус бүр 1 /2,8%/-ийг тус тус эзэлж байна. Эх сурвалж: ХӨСҮТ

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.06.06/

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.06.06/

Улсын хэмжээнд: Архины хордлогын мэдээ: Өнгөрсөн 7 хоногт Нийслэлийн эмнэлгүүдэд архины хордлогын улмаас 382 хүн хандаж, 15 (1.6 хувь) нь хэвтэн эмчлэгдсэн байна. Энэ үзүүлэлт нь өнгөрсөн 7 хоногийн үзүүлэлтээс 15 хувиар өсч, сүүлийн 2 жилийн дундажаас 8,9 хувиар буурсан үзүүлэлттэй байна. Эх сурвалж: НЭМГ ХӨ-ний тандалтын мэдээ: - 2017 оны 6-р сарын 05-ны байдлаар нийт 63 өвчтөн хандсанаас өмнөх оны мөн үетэй (n=139) харьцуулахад 2.2 дахин ихэссэн байна. Нийт хандсан тохиолдлуудын 65.1% (n=41) онош батлагдсанаас 41.5% (n=17) эмнэлэгт хэвтсэн, 58.5% (n=24) гэрээр зөвлөгөө авч, өрхийн эмчийн хяналтад орсон байна. Эх сурвалж: ХӨСҮТ

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.06.05/

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.06.05/

Улсын хэмжээнд: Халдварт өвчний тандалтын мэдээ: • 2017 оны 6 дугаар сарын 4-ны байдлаар нийт 97 өвчтөн хандсанаас өмнөх оны мөн үетэй (n=152) харьцуулахад 1.6 дахин буурсан байна. • 60.8% (n=48) салхинцэцэг, улаан эсэргэнэ, улаанууд, халдварт эритем, ёлом байсан бол 32.9% (n=26) гэдэсний халдвар, 6.3% (n=5) бусад халдвар байна. Эх сурвалж: ХӨСҮТ

ШУВУУНЫ ТОМУУ ӨВЧНИЙ H7N9 ВИРҮСТ ХАЛДВАРЫН ЭРСДЭЛИЙН ҮНЭЛГЭЭНИЙ УРЬДЧИЛСАН ДҮН

ШУВУУНЫ ТОМУУ ӨВЧНИЙ H7N9 ВИРҮСТ ХАЛДВАРЫН ЭРСДЭЛИЙН ҮНЭЛГЭЭНИЙ УРЬДЧИЛСАН ДҮН

Үнэлгээний бүрэлдэхүүн: ЭМЯ-ны Тандалт, шуурхай удирдлагын хэлтэс, Мэргэжлийн хяналтын ерөнхий газар, Зоонозын өвчин судлалын үндэсний төв, Халдварт өвчин судлалын үндэсний төв, Өмнөговь аймгийн Зоонозын өвчин судлалын төвийн 17 удирдах ажилтан, мэргэжилтэн оролцлоо. Хугацаа: 2017 оны 06 сарын 2-ны өдрийн 16-17.30 цагт, цахим хэлбэрээр Эрсдэлийн асуулт: Манай улсад шувууны томуугийн А(H7N9) вирусын халдвар зөөвөрлөгдөн орж ирэх эрсдэлтэй юу? Эрсдэлийн үнэлгээний дүн:  Магадлалын түвшин – 1.8  Үр дагаврын түвшин – 2.5 Эрсдэлийн үнэлгээний матрикс, ДУНД зэрэг гэж үнэллээ.

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.06.02/

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.06.02/

Улсын хэмжээнд: Менингит өвчний мэдээлэл: - Өвөрхангай аймагт бүртгэгдсэн 4 настай, эмэгтэй хүүхдийн биеийн байдал сайжирч байна. - Нийслэлийн 85-р цэцэрлэгийн 244 хүүхдэд хамар, залгиурын үзлэг хийж, үрэвсэлтэй 2 хүүхэд, 3 багшаас лабораторийн шинжилгээнд сорьц авсан байна. - Өвчтний сорьцод Nisseria meningitides илэрсэн, хавьтлын лабораторийн шинжилгээ үргэлжилж байна. Эх сурвалж: ХӨСҮТ

АНДАЛТ, ШУУРХАЙ УДИРДЛАГЫН ХЭЛТСИЙН ЯАРАЛТАЙ МЭДЭЭЛЭЛ

АНДАЛТ, ШУУРХАЙ УДИРДЛАГЫН ХЭЛТСИЙН ЯАРАЛТАЙ МЭДЭЭЛЭЛ

Үйл явдлын нэр БНХАУ-д бүртгэгдсэн шувууны томуугийн H7N9 вирүст халдварын хүний өвчний батлагдсан тохиолдол Мэдээлсэн хугацаа 2017 оны 6 дугаар сарын 1-ний өдрийн 1550 цагт, утсаар Мэдээллийн эх сурвалж ӨМӨЗО-ны Хилийн хорио цээрийн газрын Өвчин судлалын төвөөс МХЕГ-ын ахлах байцаагч Т.Төмөрбаатарт мэдээлсэн. Хаана БНХАУ-ын ӨМӨЗО-ны Баяннуур аймагт байрлах Ганц модын хилийн боомтын орчимд. Уг хилийн боомт нь Өмнөговь аймгийн Гурвантэс сумтай хил залгаа оршдог. Хэдэн хүн өвчилсөн 1 хүн өвчилсөн, эрэгтэй. Бээжин хотын Дитан эмнэлэгт хэвтэн эмчлэгдэж байна. Тархвар судлалын холбогдол Өвчтөн тэжээвэр шувуунаас халдвар авсан өгүүлэмжтэй. Хариу арга хэмжээ - ЗӨСҮТ, ХӨСҮТ, Өмнөговь аймгийн ЗӨСТ, МХЕГ-тай хамтран эрсдэлийн үнэлгээ хамтарч хийхээр бэлтгэж байна. - Шувууны томуу өвчний хариу арга хэмжээний бэлэн байдлыг хангах чиглэлээр ХӨСҮТ, ЗӨСҮТ-д чиглэл өглөө. - Шувууны томуу өвчнөөс сэргийлэх талаар мэдээлэл, сурталчилгааг эрчимжүүлэн, сэрэмжлүүлэг мэдээллийг цахим хуудсуудад байршуулан ажиллаж байна. - МХЕГ-аас хилийн боомтууд дахь хяналтыг чангатгах, ялангуяа Гашуунсухайт боомтоор хилээр нэвтрэн орж ирж буй зорчигч, тээврийн хэрэгслийн жолооч нарт эрүүл мэндийн тандалтыг сайжруулж, асуумж судалгаа авах, термокамерийн хэвийн үйл ажиллагааг хангаж, ариутгал, халдваргүйтгэлийн арга хэмжээг сайжруулах ажлууд хийгдэж байна.

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.05.29/

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.05.29/

Улсын хэмжээнд: Архины хордлого, Хөвсгөл аймагт: - Тус аймгийн Улаан-Уул суманд “Ерөөл” архи уусан гэх 4 хүний (1 нь огт уугаагүй) 2 нь нас барсан, бусад хүмүүсийн биеийн байдал хэвийн байна. Аймгийн МХГ, Цагдаагийн газраас тухайн нутаг дэвсгэрийн 8 дэлгүүрт зарагдаж байсан “Ерөөл” нэртэй архийг битүүмжилсэн. Хөвсгөл аймгийн МХ-ын лабораторид уусан архины дээжийг хүргүүлэн шинжилж байна. Эх сурвалж: НЭМҮТ

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.05.26/

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.05.26/

Улсын хэмжээнд: Архины хордлого: Хөвсгөл аймгийн Улаан-Уул суманд 4 хүн “Ерөөл” нэртэй архи уусны улмаас хордож, 1 хүн нас барсан байна. Мөн тусдаа, монгол архи уусан гэх өгүүлэмжтэй нэг хүн нас барсан ба артерийн даралт өндөртэй, харвалт өгсөн, хэвтрийн хүн байсан байна. 2 өвчтөн 5 дугаар сарын 25-ны өглөөний 7 цагийн орчимд нас барсан байна. Хөвсгөл аймагтай холбогдож, тандалт судалгаа хийж байна. Эх сурвалж: ХӨСҮТ ХӨ-ний тандалтын мэдээлэл: Тархвар судлалын 20 дугаар хоногийн байдлаар цочмог халууралт, цэврүүт тууралтат өвчний хамшинж буурч, харин цочмог халууралт, тууралтат өвчний хамшинж нэмэгдэн бүртгэгдэж байна. Мөн цусархаг суулгалтын хам шинж нэмэгдэн бүртгэгдэж байна. Эх сурвалж: ХӨСҮТ Осол, гэмтлийн мэдээ: Өнгөрсөн 7 хоногт 1617 хүн осол, гэмтлийн улмаас хандсанаас 61 хувийг эрэгтэйчүүд, 455 нь 0-15 насны хүүхэд байна. 342 хүн согтуугаар өртсөн бөгөөд 182 хүн хэвтэн эмчлэгджээ. Уналт, зам тээврийн осол, амьгүй механик хүчин зүйлд өртөх тохиолдол эзэлж байна. Хордлогын мэдээ: 5 дугаар сарын 18-25-ны хугацаанд ХЯТТ-д 14 хүн хандсанаас 6 нь хэвтэн эмчлэгдсэн байна. Шалтгааны хувьд эмийн бодисын хордлого 5, угаарын хийн хордлого 4, химийн бодисын хордлого 5 байна. Өвчтнүүд 18-49 насныхан байсан бөгөөд 8 нь нас барсан байна. Хачгаар дамжих халдварт өвчин: 2017 оны 5-р сарын 22-26-ны хугацаанд хачгаар дамжих хачгаар дамжих халдварт өвчний нийт 770 сэжигтэй тохиолдол бүртгэгдсэн байна. Энэ нь өмнөх оны мөн үе (335)-ээс 2.2 дахин өндөр байна. Эх сурвалж: ЗӨСҮТ Дэлхий дахинд: Зика вирүст халдвар: Энэтхэг улсын Гужарат мужийн Ахмедабад дүүрэгт 2017 оны 5-р сарын 15-нд Зика вирүст халдварын лабораториор батлагдсан 3 тохиолдол бүртгэгджээ. Тохиолдол 1: Эхний тохиолдол 64 настай, эрэгтэй, 8 хоногийн туршид халуурсан (Денге өвчний үүсгэгч сөрөг) Зика вирүс эерэг илэрсэн. Тохиолдол 2: 34 настай эмэгтэй, 2016 оны 11-р сарын 9-нд Б.Ж.Анаагахын коллежийн эмнэлэгт жирэмсэн, хүүхдийн биеийн байдал сайн хэвтэж байсан ба төрсний дараа бага зэрэг халуурч эхэлсэн бөгөөд жирэмсэн үедээ халуурч байгаагүй, сүүлийн 3 сар ямар нэгэн аялалд явсан өгүүлэмжгүй. Тохиолдол 3: 22 настай, 37 хоногтой жирэмсэн эмэгтэйд Zika вирус эерэг илэрсэн байна. Эх сурвалж: ДЭМБ

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.05.25/

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.05.25/

Улсын хэмжээнд: Томуу, томуу төст өвчин: Амбулаторид суурилсан томуугийн харуулдан тандалтаар өнгөрсөн долоо хоногт нийт 174,395 хүн үйлчлүүлсний 5,485 (3.1%) нь томуу, томуу төст өвчтэй гэж оношилогдсон нь өмнөх 7 хоногоос 0.4 хувиар, өнгөрсөн 3 жилийн дундажаас 1.2 хувиар тус тус бага байна. Нийслэлийн хэмжээнд амбулаториор 70,362 хүн үйлчлүүлсний 2.9% нь ТТӨ-тэй гэж оношлогдон, өмнөх 7 хоногоос 0.36, сүүлийн 3 жилийн дунджаас 1.8%-иар тус бүр бага байна. ХӨСҮТ-ийн 29 сорьц шинжлэхэд томуугийн вирүс илрээгүй, иж томуу илрүүлэх шинжилгээгээр 3 (20%) сорьцод риновирүс, 1 (6%) сорьцод респиратор-синцитиаль вирүсийн ген тус тус илэрчээ. Эх сурвалж: ХӨСҮТ ХӨСҮТ-ийн тандалтын мэдээ: 2017 оны 5 дугаар сарын 24-ний байдлаар нийт 104 өвчтөн хандсанаас өмнөх оны мөн үетэй (n=128) харьцуулахад 1.2 дахин буурсан байна. Нийт хандсан тохиолдлуудын 63.5% (n=66) онош батлагдсанаас 27.3% (n=18) эмнэлэгт хэвтсэн, 72.7% (n=48) гэрээр зөвлөгөө авч, өрхийн эмчийн хяналтад орсон байна. Онош батлагдсан тохиолдлуудын 62% (n=41) амьсгалын замын халдвар, 35% (n=23) гэдэсний халдвар, 3% (n=2) бусад халдвар байна. Эх сурвалж: ХӨСҮТ

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.05.24/

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.05.24/

Улсын хэмжээнд: Хоолны хордлогот халдвар: ХӨСҮТ, Баянхонгор аймгийн Нэгдсэн эмнэлэгт хоолны хордлогот халдварын улмаас эмчлэгдэж байгаа хүмүүсийн биеийн байдал сайжирч байна. Нян судлалын лабораторийн шинжилгээгээр сальмонелл-р үүсгэгдсэн хоолны хордлогот халдвар болох нь батлагдсан. Эрүүл зүйн нян судлалын шинжилгээ үргэлжилж байна. Өвөрхангай аймагт өндөгнөөс хамааралтай хоолны хордлогот халдвараар 4 хүүхэд, 1 том хүн эмчлэгдэж байна. Тандалт, судалгаа шинжилгээ үргэлжилж байна. Хариу арга хэмжээ: ХӨСҮТ-өөс Өвөрхангай аймгийн НЭ-тэй цахим хурал хийж, эмнэлгийн тусламж үйлчилгээний чиглэлээр зөвлөмж өглөө. Дэгдэлтийн судалгааны тайланг бичиж ирүүлэх. Эх сурвалж: ХӨСҮТ Шувууны томуу өвчний эрсдэлийн үнэлгээний дүгнэлт: БНХАУ-ын ӨМӨЗО-ны Шилийн гол, Тонглиао, Хинг-ан зэрэг Монгол улстай хил залгаа бүс нутагт тэжээвэр шувуудын захад шувууны томуугийн А(H7N9) вируст халдвар бүртгэгдэж, 2016 оны 12 дугаар сарын сүүлээс тус улсад Шувууны томуугийн А(H7N9) вирүст халдварын хүний өвчний тохиолдол нэмэгдэн бүртгэгдэж байгаатай холбоотой ТШУХ, МХЕГ, ЗӨСҮТ-тэй хамтран эрсдэлийн түргэвчилсэн хийж, “Бага” зэргийн эрсдэлтэй гэж дүгнэлээ. Эрсдэлийн үнэлгээний дагуу МХЕГ, хилийн боомтууд, эрүүл мэндийн байгууллагуудад зөвлөмж өглөө.

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.05.23/

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.05.23/

Улсын хэмжээнд: Эхийн эндэгдэл: - Өвчтөн “Б”, 25 настай, Хэнтий аймгийн Өмнөдэлгэр сумын харьяат. Эх жирэмсний 15-16 долоо хоногтойд эмчийн хяналтад орж, 3 удаа үзүүлж байсан, 2 дах удаагийн төрөлт. Энэ удаагийн жирэмсний тээлтийн хугацаа 30-31 долоо хоног. 5 дугаар сарын 20-ны өдрийн 18:32 цагт нас барсан. o Үндсэн онош: Острый нарушение коровообрашение головного мозга, o Хүндрэлийн онош: Мозговая кома 3 ст, ОДН, ОССН, o Хавсарсан онош: Преждевременный род, СПО кесаревосечение на 3 день. - 2017 оны 5 дугаар сарын 18-ны 02:10-д яаралтай кесар хагалгаагаар, 1600 грамм жинтэй, 43 см урттай, хүү Апгарын 3-5 баллтай төрүүлсэн. Эх сурвалж: ЭХЭМҮТ

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.05.22/

ТАНДАЛТ, ШУУРХАЙ УДИРДЛАГЫН ХЭЛТСИЙН ӨДӨР ТУТМЫН МЭДЭЭЛЭЛ/2017.05.22/

Улсын хэмжээнд: Хоолны хордлогот халдвар: Халдварт өвчин судлалын үндэсний төвд 8 өвчтөн, Баянхонгор аймгийн Нэгдсэн эмнэлэгт 8 хүн хэвтэн эмчлэгдэж, Орхон аймагт 3 хүн гэрээр эмчлэгдэж байна. Өвчтнүүд Хөвсгөл аймгийн Хатгал сумаас худалдан авсан шилтэй загас идсэн өгүүлэмжтэй. Өвчтнүүдийн биеийн байдал сайн, эмчилгээ хийгдэж байна. Өвчтнүүдээс сорьц цуглуулан шинжилж байна. Дэгдэлтийн судалгаа үргэлжилж байна. Эх сурвалж: ХӨСҮТ