Эрүүл мэндийн яам - Монгол улсын засгийн газар
МОНГОЛ, ЛАОСЫН ЗАСГИЙН ГАЗАР ХООРОНДЫН   ЭЭЛЖИТ ХУРАЛДААН БОЛОВ

МОНГОЛ, ЛАОСЫН ЗАСГИЙН ГАЗАР ХООРОНДЫН ЭЭЛЖИТ ХУРАЛДААН БОЛОВ

Худалдаа, эдийн засаг, шинжлэх ухаан техникийн салбарт хамтран ажиллах Монгол Улс, Бүгд Найрамдах Ардчилсан Лаос Ард Улсын Засгийн газар хоорондын ээлжит өнөөдөр Гадаад харилцааны яаманд болов. ЗГХК-ын хуралдааныг Эрүүл мэндийн сайд, Комиссын монголын хэсгийн дарга, Д.Сарангэрэл, Лаос Улсын Эрүүл мэндийн сайд, Комиссын лаосын хэсгийн дарга Др.Бүнконг Сихавонг нар ахалж оролцов. Тус хуралдаанаар Монгол, Лаосын харилцааны өнөөгийн байдал, ЗГХК-ын 10 дугаар хуралдааны шийдвэрийн биелэлтийг хэлэлцэн дүгнэж, хамтын ажиллагааг цаашид өргөжүүлэн хөгжүүлэх асуудлаар санал солилцов. Талууд Монгол, Лаосын хооронд худалдаа, эдийн засгийн харилцааг түүхэн уламжлал, туршлагадаа тулгуурлан харилцан ашигтай, бие биеэ нөхсөн хэлбэрээр хөгжүүлэх, шинэ агуулгаар баяжуулах өргөн боломж байгааг цохон тэмдэглэв. Монгол Улсад хөдөө аж ахуйн зориулалтаар 10.000 га газар түрээсээр ашиглуулах тухай Монгол, Лаосын Засгийн газар хоорондын тохиролцоог үр дүнтэй хэрэгжүүлэхэд талуудын сонирхсон аж ахуйн нэгжүүдийг оролцуулах тухай хэлэлцэв. Мөн Монгол, Лаосын хоорондын худалдааны эргэлтийг нэмэгдүүлэх, зам, тээврийн нөхцлийг хөнгөвчлөх чиглэлээр хамтран ажиллах нь зүйтэй гэж үзэв. Монгол Улсын Засгийн газар хүмүүнлэгийн тусламжаар БНАЛАУ-д 1050 хонь бэлэглэсэнд лаосын тал талархал илэрхийлэв. Монголын тал гүн хөлдөөсөн мах болон дулааны аргаар боловсруулсан мах, махан бүтээгдэхүүн Лаос Улсад нийлүүлэхтэй холбогдуулж Хүнсний хяналт, хорио цээр, мал эмнэлэг, ариун цэврийн шаардлагын тухай протокол байгуулах саналыг тавив. Хоёр улсын орон нутаг, аймаг, хотуудын хооронд харилцаа холбоо тогтоох санал санаачлагыг дэмжиж ажиллах нь зүйтэй гэж талууд үзэв. Монгол Улсыг Ази, Номхон далайн бүс нутгийн эдийн засгийн хамтын ажиллагааны үйл явцуудад нэгдэх, АСЕАН-ы зах зээлд орох, худалдаа хийхэд лаосын тал дэмжихээ илэрхийлэв. Энэ үеэр Эрүүл мэнд, анагаах ухааны салбарт 2018-2020 онд хамтран ажиллах ЭМЯ хоорондын протокол, ЗГХК-ын 11 дүгээр хуралдааны протоколд тус тус гарын үсэг зурж, Комиссын ээлжит 12 дугаар хуралдааныг 2020 онд Вьентьян хотноо зохион байгуулахаар тохиролцов. Улсын Их Хурлын гишүүн, Нийгмийн бодлого, боловсрол, соёл, шинжлэх ухааны байнгын хорооны дарга Ё.Баатарбилэг Лаос Улсын Эрүүл мэндийн сайд, Комиссын лаосын хэсгийн дарга Др.Бүнконг Сихавонгийг хүлээн авч уулзаж харилцаа, хамтын ажиллагааны асуудлаар санал солилцов. ЗГХК-ын энэ удаагийн хуралдаан нь Монгол, Лаосын найрсаг харилцааг тогтвортой хөгжүүлэх, худалдаа, эдийн засаг, хөдөө аж ахуй болон бусад салбарт харилцан ашигтай хамтын ажиллагааг өргөжүүлэхэд чухал түлхэц боллоо.

Долоо хоногийн онцлох

Шинэ мэдээ мэдээлэл

Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр СЭМҮТ-ийн зарим үйл ажиллагаатай танилцлаа

2018 оны 12 сарын 03-ны өдөр Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр БЗД-ийн Хүүхдийн эмнэлгийн барилгын явц, СЭМҮТ-ийн зарим үйл ажиллагаатай танилцлаа. СЭМҮТ-ийн Ерөнхий захирал Л.Насанцэнгэл тус төвд өөрийн гэсэн гүний худаг, усан сан, цэвэрлэх байгууламж, уурын зуухтай учраас хүндрэл бэрхшээл их гардаг. Гол тулгамдаж буй асуудал нь уурын зуухны БИЗУ-100 халаалтын 4 тогоо ажиллах ёстойгоос одоогийн байдлаар 1 тогоо огт ажиллагаагүй болсон, 1 тогоо нь байнга засвар хийгдэж байгаагаас бүрэн хүчин чадлаараа ажиллах боломжгүй байгаа талаар танилцууллаа. Монгол Улсын Засгийн газрын Мөрийн хөтөлбөрийн хэрэгжилт, тогтоол шийдвэрийн дагуу 2019 оны 04 дүгээр сараас эхлэн түүхий нүүрсийг Улаанбаатар хотын тодорхой дүүргүүдэд хэрэглэхийг хориглосонтой холбоотойгоор төвийн шугаманд холбогдох албан хүсэлтийг Эрчим хүчний сайд Ц.Даваасүрэн, Нийслэлийн Засаг дарга бөгөөд Улаанбаатар хотын захирагч С.Батболд, Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр, Засаг даргын хэрэгжүүлэгч агентлаг Нийслэлийн хот төлөвлөлт, ерөнхий төлөвлөгөөний газарт тус тус хүсэлт хүргүүлээд байна. Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр асуудлуудтай танилцаад, бохир усыг Улаанбаатар хотын төвийн шугаманд холбоход анхаарна гэв. СЭМҮТ-ийг төвийн халаалтанд холбох асуудал 2019 оны төсөвт суугаагүй, шийдэгдээгүй хэвээр байгаа нь анхаарах асуудлын нэг болоод байна.

Эрүүл мэндийн сайдын албан даалгавар гарлаа

Эрүүл мэндийн сайдын албан даалгавар гарлаа

“Эхийн эндэгдлийн өнөөгийн байдал” цахим хурал боллоо

ЭМЯ-ны эмнэлгийн тусламжийн газар, Эх барих эмэгтэйчүүдийн мэргэжлийн салбар зөвлөл, Нийслэлийн Эрүүл мэндийн газар, ЭХЭМҮТ-тэй хамтран эхийн эндэгдлийн тулгамдсан асуудлаар аймаг, хотын эмнэлгийн байгууллагын эмч мэргэжилтэн нартай холбогдон, цахим хурал хийлээ. Цахим хурлыг ЭМЯ-ны эмнэлгийн тусламжийн газрын дарга М.Баттүвшин нээж, ЭХЭМҮТ-ийн Эмчилгээ эрхэлсэн дэд захирал Г.Баттулга удирдан явууллаа. Хуралд ЭМЯ-ны Эмнэлгийн тусламжийн газар, Эх барих эмэгтэйчүүдийн мэргэжлийн салбар зөвлөл, амаржих газруудын төлөөлөл, ЭХЭМҮТ-ийн эмч мэргэжилтэн, зөвлөх эмч, Хүүхдийн төв сувилал, Эмгэг судлалын үндэсний төв, 19 аймгийн ЭМГ, НЭ-ийн эмч мэргэжилтнүүд бүхий 177 хүн оролцлоо. Цахим хуралд оролцогсдод “Эхийн эндэгдлийн өнөөгийн байдал”, “Эхийн эндэгдлийн тохиолдолд суурилсан зөвлөмж, сургамж”-ийг ЭХЭМҮТ-ийн Тандалт судалгааны албанаас, “Жирэмсний хожуу хордлогын хүнд хэлбэр, түүний хүндрэл, зөвлөмж, сургамж” сэдвээр ЭХЭМҮТ-ийн зөвлөх эмч Н.Дашзэвгэ, 2018 оны эхийн эндэгдлийн шалтгаан, нөлөөлсөн хүчин зүйлс, “Жирэмслэхээс өмнөх үеийн тусламж үйлчилгээ, жирэмсний хяналтын чанарт онцгой анхаарах” талаар ЭМЯ-ны Эх барих эмэгтэйчүүдийн мэргэжлийн салбар зөвлөлийн дарга, АШУҮИС-ийн эх барих эмэгтэйчүүдийн өвчин судлалын тэнхимийн эрхлэгч Д.Мөнхцэцэг мэдээлэл хийлээ. Мөн ЭХЭМҮТ-ийн мэдээгүйжүүлэг, эрчимт эмчилгээний тасгийн зөвлөх эмч С.Амармандах жирэмсний хожуу хордлогын хүнд хэлбэр, түүний хүндрэлээр эх ноцтой хүндрэх, эндэх тохиолдол гарсаар байгаатай уялдуулан жирэмсний хожуу хордлогын хүнд хэлбэрийн эмчилгээний зарчим, таталтаас урьдчилан сэргийлэх эмчилгээ, артерийн даралт бууруулах эмчилгээнд өргөн хэрэглэгдэж буй никардипин (кардив)-ын үйлчилгээ, хэрэглэх тун, аргын талаар зөвлөмж өглөө. Тэрээр Монгол улсад 2018 онд үжил, умайн урагдал, манас таталтын урьдлын хүнд хэлбэр, манас таталт, цус алдалтын улмаас эх эндсэнтэй холбогдуулан үжил халдварын үеийн антибиотик эмчилгээний сонголт, төрөлт сэдээх, эрчимжүүлэх окситоцин, мизопростол, цус алдалтын үеийн цус цусан бүтээгдэхүүний зохистой хэрэглээний талаар зөвлөөд, ЭХЭМҮТ-ийн ЭБЭЭ-ийн Эрчимт эмчилгээний тасагт байрлаж буй 24 цагийн ажиллагаатай телемедицины сүлжээнд хот, орон нутгийн эмч нар хүнд үйлчлүүлэгчийн талаарх мэдээллийг бүрэн гүйцэд оруулж, зөвлөгөө авч болохыг эмч мэргэжилтнүүдэд сануулав. Цахим хуралд оролцогчдоос Төв, Булган, Орхон аймгийн эмч мэргэжилтнүүдийн сонирхсон асуултанд ЭМЯ-ны ЭТГ-ын мэргэжилтэн Б.Цэвэлмаа, ЭХЭМҮТ-ийн эмчилгээ эрхэлсэн дэд захирал Г.Баттулга нар хариулт өглөө. Цахим хуралд оролцсон нийт эмч мэргэжилтэн нартаа талархал илэрхийлье.

Эрүүл мэндийн яамны Харьяа 16 байгууллагын удирдлагуудын хурал Сэтгэцийн эрүүл мэндийн үндэсний төвд боллоо

2018 оны 11 дүгээр сарын 29-ны өдөр Сэтгэцийн эрүүл мэндийн үндэсний төвийн Эрдмийн өргөөнд Эрүүл мэндийн яамны ээлжит хурал боллоо. Хурлыг тус яамны Төрийн нарийн бичгийн дарга Э.Содномжамц удирдан Эмнэлгийн тусламжийн газрын дарга М.Баттүвшин, Бодлогын хэрэгжилтийг зохицуулах газрын дарга Р.Оюунханд, Эрүүл мэндийн яамны харьяа 16 Төв эмнэлэг, тусгай мэргэжлийн төвүүдийн дарга, захирал, СЭМҮТ-ийн Удирдлагын зөвлөлийн гишүүд нар оролцсон хурал болов. СЭМҮТ-ийн Ерөнхий захирал АУ-ны доктор, дэд профессор Л.Насанцэнгэл Сэтгэцийн эрүүл мэндийн үндэсний төвийн үйл ажиллагааны тайланг 10 минутанд танилцууллаа. Дараа нь хуралд оролцогчид СЭМҮТ-ийн зарим тасаг, клиник, брендбүүкийн үйл ажиллагаатай танилцав. Төрийн нарийн бичгийн дарга Э.Содномжамц, Бодлогын хэрэгжилтийг зохицуулах газрын дарга Р.Оюунханд нар СЭМҮТ-ийн III клиникийн сүүлийн 37 жил засвар хийгээгүйн улмаас сантехник, барилгын дотор хийц ашиглахад хэцүү, нэн яаралтай засвар хийх шаардлагатай байгаа талаар газар дээр нь танилцав. СЭМҮТ–ийн Зайлшгүй шаардлагатай эмийн 8 дахь жагсаалтанд шинээр 41 эмийг оруулан эмчилгээ үйлчилгээнд хэрэглэж байгаа болон үйлчлүүлэгчдэд тав тухтай орчин үүсгэн ажиллаж байгааг сайшаалаа.

Сэлэнгэ аймгийн Эрүүл мэндийн салбарынхан 18 дахь сум сууриндаа ажиллалаа

Аймгийн Засаг даргын санал, санаачлага, дэмжлэгтэйгээр ЭМГ-н даргын тушаалаар “Халдварт болон халдварт бус өвчний эрт илрүүлгийн үзлэг, оношлогоо, сумын эрүүл эрүүл мэндийн цахим санг үүсгэх” цогц арга хэмжээ энэ удаа Баруунбүрэн суманд 2018 оны 11 сарын 30-наас 12 сарын 02-ны өдрүүдэд 3 хоног ажиллаад ирлээ. Үзлэгийн баг нийт 40 эмч, эмнэлгийн мэргэжилтнээс бүрдсэн ба нарийн мэргэжлийн эмч нараас гадна цээжний хөндийн эмгэг илрүүлэх зөөврийн дижитал рентген аппарат бүхийг баг, хүүхэд өсвөр үеийнхэнд зөвлөгөө өгөх баг /хөвгүүд, охид, сэтгэц, шүд, мэдээлэл сургалт/, гэрээр асаргаа сувилгаа, зөвлөгөө үзүүлэх багууд тус тус ажилласнаараа онцлог юм. Орон нутгийн удирдлагууд, нутгийн ард иргэд үзлэг оношлогоонд сэтгэл дүүрэн байгаагаа дахин дахин илэрхийлсэн бөгөөд Баруунбүрэн сумын нийт иргэдийн 57,1% нь хамрагджээ. Шинээр 5 хүнд чихрийн шижин өвчин оношлогдсон, үзлэгт хамрагдсан иргэдийн 6.6% нь даралт ихсэх өвчтэй ба 13а маягтаар дээд шатлалд 5 хүнийг илгээсэн байна. Дараагийн үзлэг Сайхан сумын Номгон тосгонд зохион байгуулагдахаар төлөвлөгдөөд байна.

Томуу, томуу төст өвчнөөс урьчдилан сэргийлцгээе

ЭМЯ, ХӨСҮТ, НЭМГ хамтран өнөөдөр Томуу, томуу төст өвчний нөхцөл байдлын талаар мэдээлэл хийлээ. 1. Дэлхий дахинд: Дэлхийн бөмбөрцгийн хойд хагасын сэрүүн бүсийн улс орнуудад томуугийн идэвхжил улирал хоорондын түвшинд байна. Өмнөд болон Зүүн Өмнөд Азийн улс орнуудад томуугийн идэвхжил нэмэгдэж байна. Дэлхий дахинд томуугийн А хүрээний вирус эргэлтэд байна. 2. Улсын хэмжээнд: 2018 оны 11 дүгээр сарын 26-аас 12 дугаар сарын 02-ыг дуустлах долоо хоногт улсын хэмжээнд амбулаторийн үзлэгийн 5.3 хувийг томуу, томуу төст өвчин эзэлж байгаа нь өмнөх долоо хоногоос 0.2 хувиар их, сүүлийн 3 жилийн дунджаас 0,9 хувиар бага байна. Хүн амын дунд томуугийн вирус эргэлтэд ороогүй харин амьсгалын замын синцитиаль вирус, риновирус зонхилон давхар эргэлтэд байна. 3. Нийслэлийн хэмжээнд: Нийслэлийн хэмжээнд амбулаторийн үзлэгийн 4.4 хувийг томуу, томуу төст өвчин эзэлж байгаа нь өмнөх долоо мөн үетэй ижил түвшинд, өнгөрсөн оны мөн үеэс 0.1 хувиар их, сүүлийн 3 жилийн дунджаас 2,8 хувиар бага байна. Нийслэлийн харьяа эмнэлгүүдийн 977 хүүхдийн орон дээр нэмэлтээр 334 зөөврийн орыг нэмж зохицуулалт хийсэн ба одоогийн байдлаар 1311 хүүхэд (үүнээс 1059 нь амьсгалын замын халдварт өвчтэй) хэвтэн эмчлүүлж байна. Томуугийн улирал эхэлсэнтэй холбогдуулан дараах арга хэмжээг хэрэгжүүлж байна. Эрүүл мэндийн яам, Нийслэлийн эрүүл мэндийн газартай хамтран дүүргийн хүүхдийн нэгдсэн эмнэлгүүдэд 7 хоног тутам хуваарийн дагуу ажиллаж, тулгамдсан асуудлуудыг газар дээр нь шийдвэрлэж байна. Хүүхдийн орны тоог нэмэхэд анхаарч нэмэлт ор дэлгэх, насанд хүрэгчдийн орыг шилжүүлэх зэргээр зохицуулалт хийх болон шаардагатай эм, эмнэлгийн хэрэгслийн бэлэн байдлыг хангаад байна. Мөн өрхийн эрүүл мэндийн төвүүдийг уртсгасан цагаар ажиллуулах, хүүхдийн эмнэлэг, хүүхдийн түргэний зөвлөгөө өгөх утсыг 24 цагаар ажиллуулж байна. Улсын хэмжээнд 125,000 хүн тун томуугийн вакциныг татан авч нийслэлийн 160 цэцэрлэгийн 2-5 насны хүүхэд, жирэмсэн эмэгтэй, өндөр настан, эрүүл мэндийн ажилтныг дархлаажууллаа. Томуу, томуу төст өвчний үүсгэгчийн онцлог, зонхилон илрэх шинж тэмдэг, урьдчилан сэргийлэх арга, эмчилгээний энгийн аргуудын талаар ЭМЯ, ХӨСҮТ, НЭМҮТ, Нийслэлийн эрүүл мэндийн газрын цахим хуудас, нийгмийн сүлжээний хуудсаас дэлгэрэнгүй мэдээллийг авч болно.

ЭМЯ, НЭМГ-ЫН ХАМТАРСАН АЖЛЫН ХЭСЭГ СХД, БГД, ЧД-ИЙН ЭМНЭЛГИЙН НӨХЦӨЛ БАЙДАЛТАЙ ТАНИЛЦЛАА

Эрүүл мэндийн сайдын баталсан удирдамжийн дагуу ЭМЯ, НЭМГ-ын хамтарсан ажлын хэсэг өнөөдөр эмнэлгийн тусламж үйлчилгээ, томуу, томуу төст өвчний үед авч хэрэгжүүлж буй арга хэмжээ, бэлэн байдалтай газар дээр нь очиж танилцлаа. ЭМЯ-ны эмнэлгийн тусламжийн чанар аюулгүй байдлын хэлтсийн дарга Я.Амаржаргалаар ахалсан ажлын хэсэг СХД-ийн нэгдсэн эмнэлэг, БГД-ийн эрүүл мэндийн төвийн Хүүхдийн нэгдсэн эмнэлэг, ЧД-ийн нэгдсэн эмнэлгийн хүүхдийн орны ачаалал болон зохицуулалт, эмнэлгийн тусламж, үйлчилгээтэй танилцаж, нөхцөл байдлыг судаллаа. Сонгинохайрхан дүүргийн нэгдсэн эмнэлэг нийт батлагдсан хүүхдийн 165 ортойгоос өнөөдрийн байдлаар 261 хүүхэд хэвтэн эмчлүүлж, 96 ор нэмэлтээр дэлгэн зохицуулалт хийжээ. Хүлээн авах, яаралтай тусламжийн тасгаар өдөрт дунджаар 153 хүн үйлчлүүлж, 30 хувь нь хэвтэн эмчлүүлдэг байна. Одоогоор тус эмнэлэгт дутагдсан эм тариа байхгүй, гурван сарын нөөцтэй байгаа аж. Баянгол эрүүл мэндийн төвийн Хүүхдийн нэгдсэн эмнэлэг нийт батлагдсан хүүхдийн 200 ортойгоос өнөөдрийн байдлаар 262 хүүхэд хэвтэн эмчлүүлж байна. Нэмэлтээр хүүхдийн 62 орыг дэлгэн зохицуулалт хийжээ. Эрчимт эмчилгээний тасагт дөрвөн хүүхэд хэвтэн эмчлүүлж буй бөгөөд тус эмнэлгийн коридорт хүүхэд хүлээж авсан байдал алга байна. Хүүхдийн нэгдсэн эмнэлэг өдөрт дунджаар 190-250 хүүхдэд амбулаторийн үзлэг хийж, зөвлөгөө өгч 24 цагаар ажиллаж байна. Чингэлтэй эрүүл мэндийн төв нь нийт батлагдсан хүүхдийн 80 ортойгоос өнөөдрийн байдлаар 154 хүүхэд хэвтэн эмчлүүлж байна. Нэмэлтээр хүүхдийн 78 ор дэлгэн зохицуулалт хийжээ. Насанд хүрэгчдийн 28 орыг хүүхдийн оронд шилжүүлж, Сэргээн засах болон Ажилчдын амралтын өрөө зэрэг бусад нөөц орон зайд ор дэлгэн, хүүхэд хүлээн авч зохицуулалт хийсэн байна.

УЛСЫН ГУРАВДУГААР ТӨВ ЭМНЭЛГЭЭС “ЭРСДЭЛГҮЙ, АЮУЛГҮЙ ЦУС СЭЛБЭЛТИЙН ТАЛААР ХЭН САЙН МЭДЭХ ВЭ” ТЭМЦЭЭН БОЛЛОО

2018 оны 12 дугаар сарын 04-ний өдөр Улсын гуравдугаар төв эмнэлгийн Цус сэлбэлтийг зохицуулах салбар зөвлөлөөс цус цусан бүтээгдэхүүн сэлбэх эмчилгээний шийдвэр гаргадаг, гардан хийдэг эмч, сувилагч, эмнэлгийн мэргэжилтнүүдийн дунд мэдлэг ур чадварыг дээшлүүлэх, цус цусан бүтээгдэхүүний зөв, зохистой хэрэглээг төлөвшүүлэх, эмнэл зүйн зөв дадал олгох зорилгоор “Эрсдэлгүй, аюулгүй цус сэлбэлтийн талаар хэн сайн мэдэх вэ” тэмцээн зохион байгууллаа. Тэмцээнд тус эмнэлгийн 21 тасаг, албадын 7 баг оролцсон ба тэмцээнийг багуудын мэндчилгээ, багийн ба ахлагч нар, хөгжөөн дэмжигчдийн дундах асуулт, хариулт, гэрийн даалгавар гэсэн үе шатуудтай зохион байгуулсан. Тэмцээний тэргүүн байранд Гемодиализ эмчилгээний тасаг, Яаралтай тусламжийн тасаг, Монголын уламжлалт эмчилгээний тасгийн “Трансфузолования” баг, дэд байранд Хоол боловсруулах эрхтэн судлалын тасаг, Эмнэлзүйн эмгэг судлалын лабораторийн нэгдсэн тасаг, Эрчимт эмчилгээний нэгдсэн тасгийн “Дусалхан”баг, гутгаар байранд Мэдээгүйжүүлэг эрчимт эмчилгээний нэгдсэн тасаг, Харвалтын тасаг, Дотрын 11-р тасгийн “Дусал цус” багууд шалгарч өргөмжлөл, шагналын эзэд боллоо. Цус судлалын сэлбэлтийн үндэсний төвийн мэргэжилтэнг шүүгчээр урьж оролцуулсан нь мэргэжил арга зүйн хувьд өндөр ач холбодолтой байлаа.

УЛСЫН ГУРАВДУГААР ТӨВ ЭМНЭЛГЭЭС 11 САРД АНАГААХ УХААНЫ ГУРВАН ШИНЭ ДОКТОР ТӨРЛӨӨ

Улсын гуравдугаар төв эмнэлгийн Зүрхний шигдээс, зүрхний судсан дотуурх мэс засал, мэдрэлийн мэс заслын чиглэлийн гурван эмч 2018 оны 11 сард шинээр Анагаах Ухааны Докторын зэрэг хамгааллаа. Анагаахын Шинжлэх Ухааны Үндэсний Их Сургуулийн Эрдмийн зөвлөлийн 2018 оны 11 сарын 07-ны өдрийн хурлын тогтоолоор тус эмнэлгийн Зүрхний шигдээсийн тасгийн их эмч Д.Батнаран “Бодисын солилцооны хам шинжийн үед инсулин дөжрөл, адипокинууд, өөх тосны солилцооны онцлогийг зарим генийн полиморфизмтой холбон судалсан нь” сэдвээр, 2018 оны 11 сарын 22-ны өдөр Ангиографийн оношилгоо эмчилгээний тасгийн их эмч Х.Батмягмар “Зүрхний титэм судсан дотуурх эмчилгээний үр дүн” сэдвээр, 2018 оны 11 сарын 29-ны өдөр Мэдрэлийн мэс заслын тасгийн их эмч Д.Энхболд “Тархины урд эргэлтийн артерийн цүлхэнгийн бичил мэс заслын үр дүн” сэдвээр тус тус Анагаах ухааны докторын зэрэг (Ph.D) амжилттай хамгааллаа.

Сургалт, дадлагад 60 гаруй төлөөлөгч оролцлоо

ОБЕГ-ын харьяа Үндэсний аврах бригадын Уул уурхайн аврах ангиас Эрүүл мэндийн яам, Дэлхийн эрүүл мэндийн байгууллагатай хамтран зохион байгуулж буй “Уул уурхайн салбарт ашиглагдаж буй химийн хорт бодисын ослын үеийн менежментийг боловсронгуй болгох, оролцогч талуудын чадавхыг бэхжүүлэх” сэдэвт сургалт, дадлага өнөөдөр ОБЕГ-ын Давтан сургалт, сэргээн заслын төвд эхэллээ.

МОНГОЛ, ЛАОСЫН ЗАСГИЙН ГАЗАР ХООРОНДЫН ЭЭЛЖИТ ХУРАЛДААН БОЛОВ

Худалдаа, эдийн засаг, шинжлэх ухаан техникийн салбарт хамтран ажиллах Монгол Улс, Бүгд Найрамдах Ардчилсан Лаос Ард Улсын Засгийн газар хоорондын ээлжит өнөөдөр Гадаад харилцааны яаманд болов. ЗГХК-ын хуралдааныг Эрүүл мэндийн сайд, Комиссын монголын хэсгийн дарга, Д.Сарангэрэл, Лаос Улсын Эрүүл мэндийн сайд, Комиссын лаосын хэсгийн дарга Др.Бүнконг Сихавонг нар ахалж оролцов. Тус хуралдаанаар Монгол, Лаосын харилцааны өнөөгийн байдал, ЗГХК-ын 10 дугаар хуралдааны шийдвэрийн биелэлтийг хэлэлцэн дүгнэж, хамтын ажиллагааг цаашид өргөжүүлэн хөгжүүлэх асуудлаар санал солилцов. Талууд Монгол, Лаосын хооронд худалдаа, эдийн засгийн харилцааг түүхэн уламжлал, туршлагадаа тулгуурлан харилцан ашигтай, бие биеэ нөхсөн хэлбэрээр хөгжүүлэх, шинэ агуулгаар баяжуулах өргөн боломж байгааг цохон тэмдэглэв. Монгол Улсад хөдөө аж ахуйн зориулалтаар 10.000 га газар түрээсээр ашиглуулах тухай Монгол, Лаосын Засгийн газар хоорондын тохиролцоог үр дүнтэй хэрэгжүүлэхэд талуудын сонирхсон аж ахуйн нэгжүүдийг оролцуулах тухай хэлэлцэв. Мөн Монгол, Лаосын хоорондын худалдааны эргэлтийг нэмэгдүүлэх, зам, тээврийн нөхцлийг хөнгөвчлөх чиглэлээр хамтран ажиллах нь зүйтэй гэж үзэв. Монгол Улсын Засгийн газар хүмүүнлэгийн тусламжаар БНАЛАУ-д 1050 хонь бэлэглэсэнд лаосын тал талархал илэрхийлэв. Монголын тал гүн хөлдөөсөн мах болон дулааны аргаар боловсруулсан мах, махан бүтээгдэхүүн Лаос Улсад нийлүүлэхтэй холбогдуулж Хүнсний хяналт, хорио цээр, мал эмнэлэг, ариун цэврийн шаардлагын тухай протокол байгуулах саналыг тавив. Хоёр улсын орон нутаг, аймаг, хотуудын хооронд харилцаа холбоо тогтоох санал санаачлагыг дэмжиж ажиллах нь зүйтэй гэж талууд үзэв. Монгол Улсыг Ази, Номхон далайн бүс нутгийн эдийн засгийн хамтын ажиллагааны үйл явцуудад нэгдэх, АСЕАН-ы зах зээлд орох, худалдаа хийхэд лаосын тал дэмжихээ илэрхийлэв. Энэ үеэр Эрүүл мэнд, анагаах ухааны салбарт 2018-2020 онд хамтран ажиллах ЭМЯ хоорондын протокол, ЗГХК-ын 11 дүгээр хуралдааны протоколд тус тус гарын үсэг зурж, Комиссын ээлжит 12 дугаар хуралдааныг 2020 онд Вьентьян хотноо зохион байгуулахаар тохиролцов. Улсын Их Хурлын гишүүн, Нийгмийн бодлого, боловсрол, соёл, шинжлэх ухааны байнгын хорооны дарга Ё.Баатарбилэг Лаос Улсын Эрүүл мэндийн сайд, Комиссын лаосын хэсгийн дарга Др.Бүнконг Сихавонгийг хүлээн авч уулзаж харилцаа, хамтын ажиллагааны асуудлаар санал солилцов. ЗГХК-ын энэ удаагийн хуралдаан нь Монгол, Лаосын найрсаг харилцааг тогтвортой хөгжүүлэх, худалдаа, эдийн засаг, хөдөө аж ахуй болон бусад салбарт харилцан ашигтай хамтын ажиллагааг өргөжүүлэхэд чухал түлхэц боллоо.

ЭМХТөв “Нээлттэй хаалганы өдөр” боллоо

Эрүүл мэндийн хөгжлийн төв “Нээлттэй хаалганы өдөр”-ийг байгууллагын үйл ажиллагааг танилцуулах, эрүүл мэндийн салбарынхан болон иргэд, үйлчлүүлэгчдэд тулгамдаж байгаа асуудлууд, тэдгээрийг хэрэглэгчдэд ээлтэйгээр шийдвэрлэх чиглэлээр хамтран ажиллах, санал, хүсэлтийг сонсох зорилгоор жил бүр уламжлал болгон зохион байгуулж ирсэн билээ. Энэ удаагийн Нээлттэй хаалганы өдөр харилцагч байгууллагуудад хандсан үйл ажиллагаануудыг түлхүү зохион байгуулж, 2019 онд магадлан итгэмжлэл авах эрүүл мэндийн байгууллагуудад зөвлөгөө өгөх, Донорын асуудлаар мэдээлэл өгөх, уулзалт зохион байгуулах, эмнэлгийн тоног төхөөрөмжийн инженерүүдэд хөрөнгийн төлөвлөлтийн програм дээр ажиллах дадлага, үзүүлэх сургалт зохион байгуулах зэрэг хэрэгцээт олон мэдээллийг зэрэг хүргэж байгаагаараа онцлог болж байна. Үүний зэрэгцээ Эрүүл мэндийн яамнаас дэвшүүлсэн “1:2” хөтөлбөрийн хүрээнд хэрэгжүүлж буй “Сувилагчдын мэдлэг чадварыг бататгах”, “Мэргэжлийн үйл ажиллагаа эрхлэх зөвшөөрлийн шалгалтанд бэлтгэх” сургалтуудын бүртгэл хийгдэнэ. Мөн материалаа бүрдүүлсэн Эм ханган нийлүүлэх байгууллагуудад эмийн экспорт, импортын лицензийн өдөрт нь гаргаж байна. Эрүүл мэндийн хөгжлийн төв нь эрүүл мэндийн салбарыг хөгжүүлэх бодлого, хууль эрх зүйн орчинг боловсронгуй болгох нотолгоо бүрдүүлэх, байгууллага, хүний нөөц, техник технологи, тусламж, үйлчилгээний чанар, аюулгүй байдал, салбарын удирдлага, манлайллыг дээшлүүлэх замаар хүн амын эрүүл мэндийг сайжруулахад дэмжлэг үзүүлэх үндсэн чиг үүрэг бүхий байгууллага юм. Өдөр, шөнийн 24 цаг иргэдийнхээ эрүүл энхийн манаанд эрүүл мэндийн салбарын 40 гаруй мянган эмч, мэргэжилтнүүд зүтгэдэг билээ. Тэдний дунд эмнэлгийн мэргэжилтнүүдийн мэдлэг боловсролыг дээшлүүлэх, ашиглаж буй тоног төхөөрөмж, эм хэрэгсэл, иргэдийн үйчлүүлж буй эрүүл мэндийн байгууллагын чанар аюулгүй байдлыг хангахаар Эрүүл мэндийн хөгжлийн төвийн хамт олон ажиллаж байна.

ТӨСӨЛД САНАЛ АВЧ БАЙНА